Joho Niillas seminára

Seminára lea Joho Niillasa dahje Nils Jernslettena gudnin. Joho Niillas lei Romssa universitehta vuosttaš sámegiela professor. Son lei maiddái servodatberošteaddji, earret eará lei son sámediggeáirras, sámi vuoigatvuođalávdegotti áirras ja biibbaljorgalanbarggu jođiheaddji. 

Joho Niillas seminára lágiduvvo lunšalogaldallamin Sámi dutkamiid guovddáža Guovssu-čoahkkinlanjas. Váldde mielde niestti, mii guossohit gáfe ja deaja.

Sihke UiT Norgga árktalaš universitehta dutkit ja earát leat buresboahtin muitalit iežaset dutkamiid birra. Váldde oktavuođa Sámi dutkamiid guovddáža giellakonsuleanttain jus háliidivččet ovdanbuktit iežat dutkama muhtun Joho Niillas semináras. 

Seminárat 2022:s:

27.10.2022: Joho Niillas seminára: Meahcci – doppe gos mii orrut. Lill Tove Fredriksen

8.2.2022: Joho Niillas seminára: Alf Isak Keskitalo artihkkala «Research as an interethnic Relation» (1976) vuostáiváldin- ja váikkuhushistorjá. Nils Oskal

Seminárat 2020:s:

22.9.2020: Joho Niillas seminára: Eamiálbmot čálamáhttu ja čállindidaktihkka sámeskuvllaide: ovdamearkkat, vejolašvuođat ja hástalusat. Hanna Outaskoski

5.5.2020: Joho Niillas seminára: Bergsland-Ruonga čállinvuohki. Trond Trosterud

24.3.2020: Joho Niillas seminára: Eatnigiella, dat suollemas geaidi fápmu. Lill Tove Fredriksen

10.3.2020: Joho Niillas seminára: GramDivvun – Ollu eanet go čállindárkkisteapmi. Linda Wiechetek

18.2.2020 Joho Niillas seminára: “Lei niogtyve go byggiimet” – mo eanetlogugiella ihtá LIA Sápmi hállangiellakorpusis. Lene Antonsen

4.2.2020: Joho Niillas seminára: Amerihká eamiálbmotakademihkkariid vástádusat Dale Turnera girjái: This is not a Peace Pipe. Towards a Critical Indigenous Philosophy (2006). Nils Oskal

Seminárat 2019:s:

13.2.2019: Joho Niillas seminára: Girjjistis dahje iežas girjjis? Earutkeahtes oamasteapmi davvisámi aviisateavsttain. Lene Antonsen ja Laura Janda

4.2.2019: Joho Niillas seminára: Mii lea duogáš otná Sámedikkiide, ja mo huksejit Sámedikkit luohttevašvuođa sámeálbmoga ja stáhtaeiseválddiid gaskkas? Mo váikkuhuvvo Sámedikki jienasteddjiid árgabeaivi Sámedikkiid politihkas Suomas, Norggas ja Ruoŧas? Niklas Labba

5.2.2018: Joho Niillas seminára: Dihtorjorgaleapmi: manne ja mo? Lene Antonsen

Seminárat 2017:s:

7.12.2017: Joho Niillas seminára: Mo oahpahus doarju ja nanne čállima máŋggagielat árbegielkonteavsttas? Hanna Outakoski