Sámi dutkamiid guovddáš bovde vuosttaš Joho Niillas seminárii guovvamánu 4. beaivvi dii. 12.15-13.00. Logaldalli: Nils Oskal, Sámi allaskuvla.
Áigi: Disttaga guovvamánu 4. b. 2020, dii. 12.15-13.00
Báiki: Čoahkkinlatnja Guovssu TEO-H2 2.228, Sámi dutkamiid guovddáš
Nils Oskal, Sámi allaskuvla, logaldallá fáttás
Amerihká eamiálbmotakademihkkariid vástádusat Dale Turnera girjái: This is not a Peace Pipe. Towards a Critical Indigenous Philosophy (2006)
Maŋŋel go Dale Turner almmuhii girji “This is not a Peace Pipe. Towards a Critical Indigenous Philosophy (2006)”, leat boahtán olu reakšuvnnat amerihká eamiálbmotakademihkkariiguin earet eará dan hárrái movt eamiálbmotakademihkkarat galget doaibmat akademalaš ja politihkalaš almmolašvuođas ja mii galgá leat mielde sin vuoiŋŋalaš árbevierus. Dan logaldallamis bijan ovdan ja guorahalan daid moaitagiid, ja árvvoštalan guđe muddui dat deivet Turnera filosofalaš vuođđojurdagiid.
FUOM! Dán logaldallama ii leat vejolaš čuovvut Skype bokte.
Dát lea vuosttáš logaldallan 6 logaldallamis Joho Niillas semináraráiddus 2020 giđa.
Joho Niillas, dahje Nils Jernsletten, lei Romssa universitehta vuosttaš sámegiela professor. Son lei maiddái servodatberošteaddji, earret eará lei son sámediggeáirras, sámi vuoigatvuođalávdegotti áirras ja biibbaljorgalanbarggu jođiheaddji.
Bures boahtin!