Sámi dutkamiid guovddáš bovde viđát Joho Niillas seminárii miessemánu 5. beaivvi dii. 12.15-13.00. Logaldalli: Trond Trosterud, UiT Norgga árktalaš universitehta.
Áigi: Disttaga miessemánu 5. b. 2020, dii. 12.15-13.00
Koronavirusa (COVID-19) njuommunáitaga geažil, de fállat dán logaldallama dušše Skype bokte!
Trond Trosterud, UiT Norgga árktalaš universitehta, logaldallá fáttás
Bergsland-Ruonga čállinvuohki
Logaldallan gieđahallá mo Bergsland-Ruonga čállinvuohki šattai. Man dihte bođii ođđa oktasaš čállinvuohki, makkár kompromissat ledje dan duohken, ja mo ideologalaš rievdadusat soađi maŋŋel váikkuhedje ođđa čállinvuohkái.
Dát lea viđát logaldallan Joho Niillas semináraráiddus 2020 giđa. Maŋimuš (guđát) logaldallan lea sirdojuvvon čakčii 2020.
Searvva logaldallamii Skype for business dahje neahttalohkanprográmma (omd. Chrome) bokte ná:
Sáddes dieđu Arnstein Johnskarengii, arnstein.johnskareng@uit.no, ja de oaččot bovdejumi searvat logaldallamii Skype bokte.
Dieđihan áigemearri: 05.05.20, dii. 11.30
FUOMÁS! Jus ii leat Skype for business mášiinnas, de fertet bovdejumis deaddilit “WebApp”, ja mášiidna viežžá dalle prográmmii lasáhusa (“plugin”). Dán lasáhusa fertet diktit installerejuvvot mášiidnii. Go de leat dohkkehan lasáhusa, de sáhtát čuovvut logaldallama omd. Chrome neahttalohkanprográmma bokte. Mikrofuvnna fertet časkit eret logaldallama vuolde, muđui šaddá linnjás ollu riedja.