Virgečilgehus

Mun lean Fimben-Áillu-Ántte Susanna ja Gáren-Niillas-Máhte-Ristena Susanna, ja virggalaš namma lea Susánna Ragnhild Andersdatter Siri. Dutkan virggis mun gozihan ja ovddidan bargguid gullevaččat SÁMINOR biobáŋkkui, gos buot varraiskosat leat vurkejuvvon. Muđui mun maiddái oassálasten čállosiidda maid Sámi dearvvašvuođadutkama guovddáš buvttada. Mun nákkáhallen epidemiologiija suorggis ja nákkosgirjji (2021) fáddá lei riskafáktorat ja riskka dohppehallot váibmo- ja varrasuotnadávddaide sámiin ja eará čearddalaš joavkkus. 

Jagi 2021 mun ja Per Axelsson álggheaimma GIDA-Sápmi fierpádaga mii lea gaskariikalaš firepmádat mas ulbmil lea ovddida Sámiid sorjjasmeahttunvuođa dutkan dáhtaide. Jagi 2023 mii almmolaččat bargogođiimet fierpmádagain ja jođihangoddái gullá maiddái Jovnná Jon Ánne Kirstte Rávdná, gii lea professor arktalaš eamiálbmotdutkamušas Lappi universitehtas, Roavvenjárggas,Suomas.