SAMINOR 2, ceahkki 1 - jearahallanskovveiskkadeapmi

Lei Sámi dearvvašvuođadutkama guovddáš, UiT Norgga árktalaš universitehtas, mii čađahii nuppi Dearvvašvuođa- ja eallindilleiskkadeami guovlluin gos lea sámi ja dáža ássan (SAMINOR 2) 2012–2014:s. Iskkadeamit čađahuvvo guovtti ceahkis. Ceahkki 1 lei jearahallanskovveiskkadeapmi mii čađahuvvui 25 gielddas gos lea sámi ja dáža ássan Davvi-Norggas ja Trøndelágas. Iskkadeamit čađahuvvo seamma guovlluin go SAMINOR 1. Dasa lassin lei dál Mátta-Várjjat gielda maid oassin das. Guđa gielddas ledje dušše muhttin biiret mielde. (Sáhtát lohkat ceahkki 2 birra DÁPPE.)

Ođđajagimánu 2012:s sáddejuvvui 8-siidosaš jearahallanskovvi (dárugillii) buohkaide gaskal 18 ja69 jagi válljejuvvon regiovnnas, oktan bovdehusreivviin (bovdehusreive julevsámegillii ja lullisámegillii. Jearahallanskovvi lei sihke davvisámegillii, julevsámegillii, ja lullisámegillii, earret dárugillii. Lei maiddá vejolaš deavdit skovi interneahtas. Statistihkalaš guovddášdoaimmahat lei Sámi dearvvašvuođadutkama guovddážis ožžon doaibman sáddet skoviid. Muittuhusat (dárugillii ja davvisámegillii, dárugillii ja julevsámegillii ja dárugillii ja lullisámegillii) sáddejuvvo guktii sidjiide geat eai lean searvan, sullii 6 vahkku ja 4 mánu maŋŋá bovdehusa.

Gielddat mat bovdejuvvo ceahkki 1:i:

Finnmárku:

Kárášjohka, Guovdageaidnu, Porsáŋgu, Deatnu, Unjárga, Davvesiida, Áltá, Láhppi ja Fálesnuorri, Mátta-Várjjat.

Romssa fylka:

Gáivuotna, Návuotna, Omasvuona, Ivgu, Skánik ja Loabák.

Nordlánda:

Divttasvuotna, Evenášši, Aarborte (Aarborte biire), Grane (Maajehjaevrie biire), Áhkanjárga (Áravuomi biire)

Davvi-Trøndelága:

Raarvihken ja oasit Nåamesjenmåelhkies (Trones ja Furuly) ja Snåase (Vinje

Lulli-Trøndelága:

Oasit Plassje gielddas (Prahke) Lulli-Trøndelágas.

Earret Álttá suohkanis ledje buot gielddain unnit go 3.000 ássi.

Searvan ceahkki 1:s, jearahallanskovveiskkadeapmi

Ruhtadeapmi

Dutkan lea ruhtaduvvon dutkanruđaiguin čuovvovaččain:

Davvi-Norgga Regionála dutkanfoanddain
Golmma davimus fylkagielddas
Davvi Dearvvašvuođas
Sámedikkis
Sámi našunála gealboguovddážis – Psykalaš dearvvašvuođasuddjen ja gárrendilledikšu (SÁNAG)
Dearvvašvuohta- ja fuolahusdepartemeanttas

Ii ovttage dáin instánssain leat beroštusriidu iskkadeami dáfus.

Diehtogieđahallanovddasvástádus (Databehandlingsansvarlig)

UiT Norgga árktalaš universitehta direktevrras lea diehtogieđahallanovddasvástádus