Sámi dutkamiid guovddáš lea organiserejuvvon fágalaš guovddážin mii lea seamma dásis go HSL-fakultehta instituhtat. Min bargun lea nannet olles UiT máŋggafágalaš sámi ja eamiálbmotguoskevaš dutkama ja oahpu, oainnusin dahkat dáid doaimmaid ja oččodit eanet studeanttaid ja dutkiid dán suorgái. Guovddážis leat ollu ovttasbargoásahusat olggobealde UiT, báikkálaččat, riikkadásis ja máilmmiviidosaččat.

Sesama mandáhtta

• Nannet olles universitehta máŋggafágalaš sámi ja eamiálbmotguoskevaš dutkama
• Nannet profilerema ja rekrutterema sámegiela ja sámi kultuvrra oahpuide ja eamiálbmotguoskevaš oahpuide
• Gaskkustit universitehta sámi ja eamiálbmotguoskevaš dutkama
• Nannet sámegiela geavaheami fágalaš oktavuođain olles universitehtas
• Ovddidit ovttasbarggu sámi oahppo- ja dutkanásahusaiguin
• Veahkehit ásahus- ja fakultehtajođiheddjiid sámi ja eamiálbmotguoskevaš áššiin