Oasseváldiide

Mii dáhpáhuvvá iskosiiguin ja dieđuiguin du birra?

  • Álo go varraiskosat galget geavahuvvot de gáibiduvvo dohkkeheapmi Regionála lávdegottiin medisiinnalaš ja dearvvašvuođafágalaš dutkama várás – davvi (Regional komité for medisinsk og helsefaglig forskningsetikk – REK nord). Varraiskosat vurkejuvvojit dutkanbiobáŋkkus UiT Norgga árktalaš universitehtas 
  • Iskosat mat leat dus váldon ja dieđut mat leat registrerejuvvon du birra galget dušše geavahuvvot nu mo lea čilgejuvvon dutkama ulbmilis. Dearvvašvuođadieđuid dahje iskosdutkandieđuid viidásat gieđahallan dáhpáhuvvá dearvvašvuođadutkanlága ja eará guoskevaš lágaid mielde.
  • Buot dieđut ja iskosat gieđahallojit namaid ja riegádannummiriid haga dahje eará dieđuid haga mat sáhttet muitalit gii don leat. Lea okta koda mii čatná du dieđuid iskosiidda nammalisttu bokte. Dat mearkkaša ahte dutkandieđuin lea identifiseren váldon eret. Ii ge leat vejolaš identifiseret du bohtosiin dutkosis go dat almmuhuvvojit.
  • Duššeráddjejuvvon oassi autoriserejuvvon bargiin, geat leat čadnon prošektii sáhttet  oidnit  ja gávdnat du dieđuid.
  • Maŋit áiggis sáhtát jerrojuvvot háliidatgo vástidit liige jearahallanskovi.

Personsuodjalus

Áimmahuššan dihte persovdnasuddjema, de leat garra njuolggadusat mo dieđuid sáhttá dássádallat ja geavahit. Juohke dutkanprošektii  gáibiduvvo konsešuvndat/dohkkeheampi Regionála lávdegottiin medisiinnalaš ja dearvvašvuođafágalaš dutkama várás. Go dutkit ožžot dutkandieđuid, leat buot persončájeheaddji mearkkat váldojuvvon eret ja lonuhuvvon soaitahis loguin, nu ahte dutkit eai beasa diehtit geat oasseváldit leat.

Riekti geahčadit

Jus leat searvan dutkamii, de dus lea vuoigatvuohta beassat oaidnit makkár dieđut leat registrerejuvvon du birra. Dasto lea dus vuoigatvuohta divvut boasttuvuođaid mat leat registrerejuvvon.

Geassádeapmi

Jus dáhtot geassádit dutkamis, sáhtát gáibidit ahte dieđut du birra sihkkojuvvojit. Maŋŋil geassádeami dutkamis, de eai leat dieđut du birra mielde boahttevaš analuiissain ja almmuhemin. Dieđut mat leat juo oassin analiissain dahje geavahuvvon dieđalaš almmuhemiin, ii leat vejolaš rievadit.

Čatnon dearvvašvuođaregistariidda

Dieđut mat leat registrerejuvvon du birra leat sestojuvvon daid dieđuid vuođul maid leat addán jearahallanskovi bokte, mihtut dearvvašvuođaiskkadeamis ja varraiskkusiiguin. Diehtobearráigeahčču ja/dahje Regionála lávdegottiin medisiinnalaš ja dearvvašvuođafágalaš dutkama várás – davvi dohkkehemiin sáhttet du dieđut biddjot oktii dieđuiguin eará registariin mat gullet dutkanulbmiliidda. Dát sáhttet leat registarat oaju, buozalmasvuođaid, sisaboađu, oahpu, virggi dahje dieđut eará dearvvašvuođaiskkademiin maidda don leat searvan. Registarat sáhttet leat Borasdávdaregisttar, Jápminsivvaregisttar, Álbmotregisttar, Reseaptaregisttar, Medisiinnalaš Riegádanregisttar, Váibmo- ja varrasuotnaregisttar ja eará našunála registarat dávddain mat dutkojuvvojit dán iskkadeamis ja registarat Statistihkalaš guovddážis ja álbmotlohkamiin. Buot dáid oktavuođain váldojuvvo namma ja personnummir eret. Dáhkádusfitnodagat dahje eará gávppálaš ásahusat eai oačču beassama dutkandieđuide. Dutkandieđut SAMINOR 1:s ja SAMINOR 2:s sáhttet dássádaddot oasseváldiid gaskkas.

Máhcaheapmi gielddaide

Bohtosat iskkadeamis leat máhcahuvvon gielddaide raportaid bokte gos dušše gildii guoskevaš dieđut leat čohkkejuvvon. Bohtosat sáhttet leat veahkkin eastadit ja vuolggahit bijuid ovddidit álbmotdearvvašvuođa ja čálgofálaldagaid davvin. Iskkadeapmi lea danne mielde buoridit álbmotdearvvašvuođa. SAMINOR-iskkadeapmi sáhttá leat ávkkálaš veahkki ollašuhttit gáibádusaid Álbmotdearvvašvuođalágas. Bohtosat leat dattege dan duohken man olusat servet, mađi eambbosat leat searvan, dađi dárkilat gova sáhttit mii addit gieldda álbmotdearvvašvuođas. 

Raporta Unjárgga gildii

Raporta Deanu gildii

Raporta Ivggu suohkanii

Raporta Omasvuona suohkanii

Raporta Kárášjoga gildii

Raporta Porsáŋggu gildii

Raporta Guovdageainnu suohkanii

Raporta Gáivuona suohkanii

Raporta Evenášši suohkanii, 2. almmuhus

Raporta Skániid suohkanii, 2. almmuhus



Page administrator: Marita Melhus
Last updated: 07.11.2018 15:42