Bálkkašupmi – Sámi dutkamiid guovddáš

Bálkkašupmi – Sámi dutkamiid guovddáš

English flag    Norsk flagg   

Árdna-bálkkašupmi

UiT ja Sámi dutkamiid guovddáš juohkiba bálkkašumi dán jagáš buoremus masterčállosii eamiálbmotfáttás. Bálkkašupmi juhkkojuvvo kandidáhttii dán oahppojagi lea čállán buoremus masterčállosa fáttás mii lea čadnon eamiálbmogiidda ja eamiálbmogiid dilálašvuhtii. Bálkkašupmi lea 10 000,- (NOK).

Ulbmil:
Bálkkašumi ulbmiliin lea loktet beroštumi ja čalmmustahttit sámi ja eamiálbmotguoskevaš gažaldagaid UiT Norgga árktalaš universitehta masterprográmmain. Bálkkašupmi juhkkojuvvo dan buoremus masterčállosii eamiálbmotfáttás ovtta akademalaš jagis, ja čálus galgá leat geigejuvvon muhtun UiT masterprográmmii. Bálkkašupmi galgá movttiidahttit kandidáhta viidáseappot ovdánit fágasuorggis.

Nominašuvdna:
Sámi dutkamiid guovddáš bovde fágabirrasiid evttohit kandidáhtaid bálkkašupmái. Fuomášuhttit ahte evttohusat maiddái gustojit masterčállosiida mat leat geigejuvvon čakčalohkanbajis. Evttohusas galget čuovvovaš oasit boahtit ovdan:

  • Gii evttohuvvo
  • Čálalaš čilgehus evttohussii, mo fáddá lea relevánta sámi ja eamiálbmotáššiide
  • Gii evttoha

Evttohus galgá leat eanemustá 1 siiddu guhku ja sáddejuvvo e-poastta bokte postmottak@sami.uit.no ja áigemearri dasa boahtá ovdan Árdna-bálkkašumi almmuhusas. E-poasta merkejuvvo Árdna-bálkkašupmi (jahki). Jus evttohuvvon čálus ii leat sensurerejuvvon ovdal áigemeari, de sáhttá árvosáni sáddet maŋŋel.

Eavttut:
Bálkkašumi oažžuma eavttut:

  • Čálus galgá leat geigejuvvon dán akademalaš jagis muhtun UiT masterprográmmii
  • Čállosa fáddá galgá leat čadnon eamiálbmogiidda ja eamiálbmogiid dilálašvuođaide ovddeš- dahje dálááiggis
  • Čálus galgá leat čállojuvvon dárogillii, sámegillii dahje eŋgelasgillii, ja dat galgá leat geigejuvvon Munin bokte.

Evttohusaid árvvoštallan:
Sámi dutkamiid guovddáš nammada árvvoštallanlávdegotti mii vállje bálkkašumi vuoiti. Das galget leat unnimustá golbma lahtu geat gullet iešguđetge fágasurggiide.

Bálkkašumi juohkin:
Bálkkašupmi geigejuvvo jahkásaččat Riddu Riđđu festiválas suoidnemánus. Bálkkašumi vuoiti oažžu maiddái festiválapássa.

Loga bálkkašumi njuolggadusaid dáppe

Lávdegotti čoahkkádus leamaš lean ná:

2018 og 2019
Professor Bjørg Evjen, Arkeologiija, historjjá, oskkoldatdiehtaga ja teologiija instituhtta (AHR)
Vuosttasamanueansa Åse Mette Johansen, Giela ja kultuvrra instituhtta (ISK)
Professor Torjer A. Olsen, Sámi dutkamiid guovddáš (Sesam) 

2020
Vuosttasamanueansa Carola Kleemann, Oahpaheaddjeoahpu ja pedagogihka instituhtta (ILP)
Vuosttasamanueansa Camilla Brattland, Servodatdiehtaga instituhtta (ISV)
Professor Torjer A. Olsen, Sámi dutkamiid guovddáš (Sesam)

2021
Stipendiáhta Helen Jennings, Arkeologiija, historjjá, oskkoldatdiehtaga ja teologiija instituhtta (AHR)
Vuosttasamanueansa Matthew Walker Magnani, Servodatdiehtaga instituhtta (ISV)
Universitehtalektor Kajsa Kemi Gjerpe, Sámi dutkamiid guovddáš (Sesam)

2022
Vuosttasamanueansa Matthew Walker Magnani, Servodatdiehtaga instituhtta (ISV)
Universitehtalektor Velina Ninkova, Sámi dutkamiid guovddáš (Sesam)
Professor Torjer A. Olsen, Sámi dutkamiid guovddáš (Sesam)



Oktavuođaolmmoš: Hildegunn Bruland

Vuoitit